აუდიო-სიზმრები და სიზმრების ციფრული თოვლი

მიუხედავად იმისა რომ საიტი რამდენიმე თვეა დახურულია, "სიზმრების რეგისტრაციის" პროექტი კონცეპტუალურ დონეზე გრძელდება და იხვეწება. პროექტი ალბათ ამ წელს აღორძინდება,მაგრამ უკვე სხვა ქალაქში[სავარაუდოდ ვენაში].თუმცა საბოლოოდგადაწყვეტილი ჯერ არაფერია გარდა იმისა რომ ძალიან ვუფრთხით პროექტის გაგრძელებას ისევ თბილისში,რამდენიმე მიზეზის გამო:1] კოლაბორაციული "სული" ძალიან დაბალია 2]დაფინანსების მოპოვება ასეთ თემაზე აქ თითქმის შეუძლებელია
თუმცა არ გამოვრიცხავთ რომ ახალი საიტის ბეტა ვერსია ალბათ მაინც გაეშვება.
თუმცა ყველა პროექტში ჩვენ მაინც უფრო ცოცხალ პროცესზე ვართ ორიენტირებულები ვიდრე სასწრაფო შედეგზე. პროცესი სიზმარივითაა,სანამადეც გაგრძელდება - ყოველთვის საინტერესოა გაყოლა.
---------

ახალ საიტზე უკვე შესაძლებელი იქნება:
 პერსონალური დრიმ-პროფაილის გაკეთება.
პერსონალური ვიზუალური დრიმ-map-ის და-tag-ვა
და სხვების სიზმრების წაკითხვაც.

გარდა ამისა, პროექტისთვის მოვიფიქრეთ რამდენიმე ძალიან საინტერესო ორიგინალური იდეა [რაც თავითავად ზრდის პროექტის მასშტაბს, ინტერესს და მასზე დასახარჯ შრომას], გაგაცნობთ მათგან ორს:
1. სიზმრების ცხელი ხაზი [აუდიო-სიზმრების ბაზა]
2. AR App აიფონებისთვის-ანდროიდებისთვის [თეორიული იდეა. გასართობი ვიზუალიზაცია -- ციფრული რუკა რეალურ დროში]

1.სიზმრების ცხელი ხაზი ორი სახის მომსახურებაა:
ა] დარეგისტრირებულ დრიმერს საშუალება აქვს საიტიდანვე ონლაინ რეჟიმში დარეკოს და მოყვეს სიზმარი თავის მიკროფონში.
ან
ბ] თუ ღამე გაეღვიძა და თავისი კომპიუტერის ჩართვა ეზარება/შორსაა/სურვილი არ აქვს -- შეუძლია დარეკოს სპეციალურად გამოყოფილ ჩვეულებრივ ქალაქის ნომერზე, რომელიც იმუშავებს როგორც სიზმრების ცხელი ხაზი და იქიდან დაპროგრამებული მისალმების და რამდენიმე წამიანი სიგანლის შემდეგ  ვერბალურად მოყვეს თავისი სიზმარი, რომელიც ჩაიწერება ჩვენს ბაზაში აუდიო-ფაილის სახით. ამრიგად სიზმრების ტექსტუალურ არქივთან ერთად ჩვენ დავიწყებთ აუდიო-არქივის შექმნასაც. ხმას თავისი ინტიმი აქვს და ამის გარდა ყველა ადამიანი უნიკალურად ყვება სიზმარს და თავის აქცენტებს აკეთებს სხვადასხვა მოვლენებსა თუ ფაქტებზე.
ტექნიკურად ამის გაკეთება ადვილია: საიტის შემთხვევაში საიტზე იქნება ინტეგრირებული სპეციალური სოფტი[შეგიძლიათ სკაიპიდანაც დარეკოთ],
ხოლო ქალაქის ნომრის შემთხვევაში - ნაყიდი ნომერი,მოდემი და კომპიუტერი რომელიც სულ ჩართული იქნება, რომ ავტომატურად ჩაიწეროს ახალი ზარები.

2. AR - Augmented Reality  ახალი ხილია. ბევრი რომ არ მოვყვე შეგიძლიათ ამის შესახებ მოკლედ და გემრიელად წაიკითხოთ ვიკიზე: http://en.wikipedia.org/wiki/Augmented_reality

დამატებითი რეალობის გამოყენებით ფიზიკური გარემო ხდება ორმაგი ინფორმაციის მატარებელი: ყოველდღიური გარემოს ფიზიკური,ანალოგური სიგნალების გარდა ჩვენ შეგვიძლია  ამ გარემოში ჩაკოდირებული ციფრული ინფორმაციის კითხვაც აიფონების ვირტუალური "სათვალიდან".
შეგვიძლია ქუჩაში სეირნობისას რეალურ დროში გავიგოთ რომელიმე შენობის ისტორია, ფიზიკური მანძილი ჩვენსა და რომელიმე ხიდს შორის, გასაქირავებელი ბინები და ფასები წინ მდგარ სასტუმროში[მასში შეუსვლელად], კლუბების ივენთების სია, ცაში მფრინავი 3D მოდელები -- უბრალოდ აიფონის ეკრანიდან.
ამ ტექნოლოგიის გამოყენებით ჩვენს პროექტში კი შესაძლებელი იქნება შემდეგი:
ყოველდღიური მონაცემთა ბაზა ჩაიტვირთება შესაბამის სოფტში და ნებისმიერ მომხმარებელს ვინც თავის ტელეფონში ამ App-ს ჩამოწერს -- ყოველ დილით ან საღამოს შეეძლება უბრალოდ ცაში ახედვით დაინახოს მისი ქალაქის სიზმრების "ციფრული თოვლი" ანუ ქალაქის რომელ მხარეს რამდენი და რა სიზმრები დაფიქსირდა.
ვისაც პირველად გესმით დამატებითი რეალობის შესახებ, მაშინ ამ ჩვენი სოფტის კონცეფციის უკეთ გასაგებად აუცილებლად გაეცანით ზემოთ მოცემულ ვიკიპედიის ლინკს
და აუცილებალდ უყურეთ ქვემოთმოცემულ ვიდეოს სადაც ასახულია დამატებვითი რეალობის App-ის გამოყენებით რეალურ დროში დედამიწის სატელიტების მდებარებობის დათვალიერება [წარმოიდგინეთ ამ სატელიტებსი ნაცვლად წინა ღამეს დარეგისტრირებული, რეალური სიზმრების აღმნიშვნელი წერტილები]
ამ სახით, ყოველდღიურად წინა ღამის მონაცემთა ბაზა გადაიქცევა სოფთის ვიზუალებად.



--------------------------------------
p.s.
პროექტი საბოლოო ჯამშ ძალიან მასშტაბური,საინტერესო და შრომატევადი გამოდის,ამიტომ ნებისმიერი სახის დაინტერესებას და დახმარებას -- ყველანაირად მივესალმებით.
ყველაზე აკრგი იქნებოდა ისევ და ისევ: თუ ხართ პროგრამისტი, მხატვარი, დიზაინერი,ურბანისტი ან უბრალოდ გაინტერესებთ ეს პროექტი და გაქვთ კარგი იდეები ან მინიმუმ შეგიძლიათ დაგვაკავშიროთ სხვა დაინტერესებულ ხალხს,სპონსორებს, ან შეგიძლიათ კარგი ფინანსური პროექტების წერა ან კარგად თარგმნით ინგლისურად -- დ ა გ ვ ი კ ა ვ შ ი რ დ ი თ. პროექტი საფუძველშივე კოლაბორაციულია და გვინდა ასეთივე იყოს: თხევადი,ბევრი პერსონაჟებით და მოულოდნელობებით სავსე -- ზუსტად როგორც სიზმრები.
სიზმრებში შევხვდებით.

ლადო ონიანი - ღამის განგაში

Night Alarm ვიდეოსიზმარია.
ძალიან საინტერესო ქართველი მხატვრის და მუსიკოსის - ლადო ონიანის მიერ გაკეთებული:
საკუთარი 'სიზმრის ატმოსფეროს' ეკრანიზაცია.
ოქროს კვალი თბილისის სიზმრების არქივისთვის.

აუცილებლად ესტუმრეთ არტისტის საიტს სხვა ნამუშევრების გასაცნობად:

http://www.lado.wanderingphantom.com/

სიახლეები

პროექტის თავდაპირველი ვარიანტის მიხედვით პროექტი უნდა დახურულიყო 23 ივნისს, თუმცა ჩვენ გადავწყვიტეთ გაავაგრძელოთ პროექტი სექტემბრის ბოლომდე ან ოქტომბრის შუა რიცხვებამდე. ასე რომ ისევ შეგიძლიათ განაგრძოთ სიზმრების მოყოლა მონაცემთა ბაზისთვის.

ამასთან, მალე შემოგთავაზებთ რამდენიმე მართლა სასიამოვნო სიახლეს და ახალ სარეგისტრაციო სერვისს.

თბილისის სიზმრების სტატისტიკაში მოსაყვანად, სიზმრების რუკის შესადგენად და ჩვენი სიზმრების მონაცემთა ბაზის არტ-ვიზუალებად გადაქცევისთვის შეიქმნა სპეციალური 10 კაციანი ჯგუფი. უკვე გაჩნდა ახალი კონკრეტული იდეები და გეგმები, ასე რომ ელოდეთ სიახლეებს და სიურპრიზებს WWDW-ს ადმინისტრაციისგან. :]

ერთადერთი რაც გვაკლია მრავალფეროვან ჯგუფში -- კარგი პროგრამისტი.

თუ პროგრამისტი ხარ

და გაინტერესებს სიზმრები, ადამიანური გონების კოდები, არტ პროექტში ან კვლევაში მონაწილეობა - აუცილებლად დაგვიკავშირდი.

პლუს, ამასობაში ჩვენს პროექტს გამოუჩნდნენ მიმბაძველები. :]]

გვინდა ვთქვათ რომ არანაირი კავშირი არ გვაქვს ამ კონკრეტულ ბლოგთან, თუმცა არ გამოვრიცხავთ მათი სიზმრების დასეივებას ქალაქის სიზმრების მთლიან არქივში, თუ რათქმაუნდა ეს ბლოგი ხუმრობა არაა.

ხშირად მოგვაკითხეთ, სექტემბრამდე შემოგთავაზებთ ახალ ინტერფეისს და საინტერესო იდეებს და პროდუქტებს.

ჩვენ აქ იმისთვის ვართ, რომ დავაბრუნოთ სიზმრები არარსებობიდან და სიზმრული მატერიალით ამოვავსოთ რეალობის ხვრელები.

სიზმრისმჭამელი თოჯინა

ახალი საჩუქარი WWDW-ს და თბილისის სიზმრების არქივს და გამოფენას -- citiZen დრიმერისგან.
სიზმრით ინსპირირებული თოჯინა-მონსტრი -- სიზმრისმჭამელი ♥


06/14/2010. Tbilisi.
"xandaxan xolme vidzineb da araferi mesizmreba da su vfikrobdi rogori iyo isvigac vinc sizmrebs mparavda. oda exla movifikre da gavakete"

სიზმრისმჭამელი მონსტრი

Monster DreamEater

დრიმაქრივები, კიბერსიზმრები და WWDW

არსებობს სიზმრების უამრავი თეორია, თუმცა დღემდე არცერთმა მეცნიერმა დანამდვილებით და ზუსტად არ იცის საიდან მოდიან სიზმრები და რისთვის, ანუ რა ბიოლოგიური მექანიზმი ქმნის ამ უფასო ბიო-ჰოლივუდს.

ბევრი მკვლევარის აზრით ცივილიზაციის, ლიტერატურის, თეატრის ფესვები ჩარგულია ჰალუცინაციებში, ხილვებში, რომლებიც იბადებოდნენ უცნაურ სიზმრებში ათასეული წლების უკან.

თითქმის ყველა კულტურაში არსებობდა სიზმრების ინტერპრეტაციის თავისებური სისტემა, სიზმრების ერთმანეთისთვის გაზიარების რიტუალები და თეორიები. მაგრამ თანდათან ეს ხელოვნება გაქრა სოციალური ცხოვრებიდან. თუმცა ეს არ ნიშნავს რომ ყველამ დაივიწყა ეს საჩუქარი.

არსებობს უამრავი სიზმრით ინსპირირებული კულტურული თუ მეცნიერული არტეფაქტი.

და ბოლოს მეოცე საუკუნეში საფუძველი ჩაეყარა სიზმრების მეცნიერულ შესწავლასაც.

ინფორმაციულმა ეპოქამ, მაკლაენის ფრაზას თუ ვისესხებთ, შექმნა "გლობალური სოფელი", რომელმაც მსოფლიოს სხვადასხვა ადგილებში მყოფ ადამიანებს საშუალება მისცა ერთმანეთის პირისპირ შემომსხდარიყვნენ სატელელევიზიო "კოცონის" ირგვლივ როგორც ძველ, ძველ დროებში, შემდეგში ეს სატელევიზიო კოცონი კი - ინტერნეტმა შეცვალა.

ინტერნეტთან ერთად კი შესაძლებელი გახდა სიზმრების გაზიარების პრაქტიკის აღდგენა.

90იან წლებში ეს პრაქტიკა დაიწყო დაინტერესებული პირების მეილ ლისტებით, სადაც ისინი ერთმანეთს უგზავნიდნენ თავიანთ სიზმრებს და განიხილავდნენ.

მსოფლიო ქსელის დახვეწასთან ერთად სხვადასხვა სიზმრისმკველვარმა ორგანიზაციამ თუ ჯგუფებმა შექმნეს მშვენიერი რესურსები ინტერნეტში სადაც ყველაფერთან ერთად შესაძლო გახდა ერთმანეთისთვის აბსოლუტურად უცხო მოქალაქეების სიზმრების დაარქივება.

ანუ ინტერნეტ-ეპოქამდე ესეთი სურვილი თითქმის შეუძლებელი პრობლემა იყო და ითხოვდა წარმოუდგენელ ფიზიკურ დატვირთვას, იმათ მოძიებას ვინც იწერს სიზმრებს სხვადასხვა ქალაქებში, ფსიქოანალიტიკური კერძო სეანსებიდან პირადი ინფორმაციის ამოღებას სიზმრების შესახებ და ა.შ.

ასე რომ ინტერნეტმა ხელი შეუწყო სიზმრული კულტურის გამოცოცხლებას.

ჩვენს ბლოგზე ნელნელა წარმოგიდგენთ ხოლმე საინტერესო რესურსებს სიზმრების თემაზე, სხვადასხვა დროს შექმნილ ონლაინ დრიმარქივებს და ესეებს.

ერთერთი მათგანი ჩვენი ფავორიტია:

სიზმრის კვლევის ინტერნაციონალური ინსტიტუტი

http://dreamresearch.ca/index.php

საიტზე შეგიძლიათ იპოვოთ საინტერესო ესეები, ლინკები და ონლაინ ფორმა სიზმრის გასაგზავნად.

ინსტიტუტი ელოდება სიზმრებს მთელი მსოფლიოდან, შესავსები ენა - ინგლისური.

ინსტიტუტი ორიენტირებულია გლობალურ სიზმრებზე და მათ ინტერპრეტირებაზე ფსიქო-სოციო-კულტურული ასპექტებით.

--

მეორე რესურსი რომელიც გვინდა გაგაცნოთ შეეხება

სიზმრის გაზიარების ისტორიას კიბერსივრცეში,

ძალიან საინტერესო და აუცილებლად საკითხავი მასალა.

სიზმრების გაზიარების ისტორია კიბერსივრცეში

http://dreamgate.com/dream/history/drmhx_master.htm

----

რა განსხვავებებია სხვა დრიმ არქივებსა და ჩვენს პროექტს შორის?

პირველ რიგში -- ჩვენი პროექტი არ არის მეცნიერული კვლევა და ჩვენ არ ვუდგებით სიზმრებს რომელიმე ერთი კონკრეტული თეორიის მიხედვით.

მეორე - ჩვენი დრიმარქივირება, რასაც ჩვენ ვეძახით სიზმრების რეგისტრაციას არის ორიენტირებული ერთი ქალაქის სივრცეზე დროის გარკვეულ მონაკვეთში, ამდენად ის უფრო მობილური, კონცეტრირებული და მარტივად შედგენადია.

მესამე - არტ-პროექტის ფარგლებში ქალაქებს ჩვენ განვიხილავთ როგორც ცალკეულ პიქსელებს[არსებებს] მსოფლიო ურბანულ მოზაიკაში,

თითოეული მოქალაქის სიზმარი იმდენად ეკუთვნის ამ ქალაქს რამდენადაც ქალაქის სოციო-კულტურული ისტორია, მდგომარეობა, პერსპექტივები და არქიტექტურა მოქმედებს მოქალაქეების ცხოვრებაზე. ამ კუთხიდან ჩვენ ჩვენს პროექტში ვაქსოვთ სიტუაციონისტების ფსიქოგეოგრაფიულ დეკონსტრუქციასაც.

მეოთხე - მიღებული მონაცემების საფუძველზე ჩვენ ვქმნით:

ა] ქალაქის ონლაინ-ღია არქივს[ტექსტუალურს და ვიზუალურს]

ბ] ქალაქის სიზმრების რუკას როგორც არტ-ობიექტს.

გ] ქალაქის სიზმრები "საჩუქრად გადაეცემა" სხვა ქალაქს როგორც არტ-აქცია

დ] ლოკალური არტისტების, მეცნიერების თუ უბრალო მოქალაქეების ჩართვით პროექტის აქტიურობაში ვცდილობთ მივაღწიოთ კოლექტიური პაციფისტური ურთიერთანამშრომლობის რეალურ შედეგს. ამ შედეგისთვის ჩვენ ვიყენებთ ყველაზე უკონტროლო, უტოპიურ ქსოვილს - ჩვნესავე სიზმრებს.

სიზმრის ჩანახატი #1

სარეგისტრაციო საიტზე : http://urbandreamz.freeiz.com/

მოყოლილი სიზმრის გარდა დამატებულია ფოტოს, ნახატის ატვირთვის ფუნქცია,

მათთვის ვინც უფრო ვიზუალურ ინფორმაციაზეა ორიენტირებული და იხატავს თავის სიზმრებს, ან პეიზაჟებს ან ნანახ სიმბოლოებს სიზმარში.

ამ თემაზე უფრო გასარკვევი ჩანაწერი დევს აქ: ატვირთე სიზმრის ჩანახატი

სიზმრის ჩანახატი უნდა იყოს ორიგინალური [და არა გუგლში მოძებნილი ფოტო],

ამისთვის თქვენ დაგჭირდებათ სამი რამ:

1. სიზმარში უნდა ნახოთ და დაიმახსოვროთ ის რის დახატვასაც დააპირებთ

2. უნდა დახატოთ

3. უნდა გქონდეთ სკანერი რომ ნახატი გადაიყვანოთ კომპიუტერში [თუ რათქმაუნდა პირდაპირ კომპში არ ხატავთ]

:]

რაც შეეხება არაორიგინალურ ფოტოებს, ასეთი ფოტოები მიიღება იმ შემთხვევაში თუ თქვენ თვლით რომ ესა თუ ის ფოტო ყველაზე კარგად ასახავს იმას რისი გადმოცემაც გინდათ.[ასეც ხდება ხოლმე].

დღეს მინდა წარმოგიდგინოთ ჩვენი არქივის პირველი ვიზუალები, რომლებიც გამოაგზავნეს მოქალაქეებმა.

პირველი ფოტო ეკუთვნის ჩვენი ჯგუფის წევრს და აქ აღბეჭდილია მისი პერსონალური სიზმრის რუკის ნაწყვეტები პირადი Dream-ჟურნალიდან.

მეორე ფოტო ეკუთვნის ჩვენთვის უცნობ მაგრამ ძალიან საყვარელ მოქალაქე დრიმერს, რომელმაც დახატა თავისი სიზმარი.

1. dream map blocks

2. სიზმარი:

"06/11/2010.

Tbilisi.

tyidan chamovidnen gvelebi da bebiam rdze daalevina"

სიზმრების რეგისტრაცია ტელევიზორში

რუსთავი ორის სიუჟეტი ჩვენს შესახებ

http://www.myvideo.ge/?act=dvr&chan=rustavi2&seekTime=11-06-2010+21:41